Ä Zeedel zu dr Melodie vom Chinderliedli 

„Dr Peter schafft mit eim Hammer“.

 

 

Dr Peter schafft mit eim Hammer, eim Hammer, eim Hammer

dr Peter schafft mit eim Hammer, grad wie n’ich!

 

Dr Donald schafft mit Zollhämmer, Zollhämmer, Zollhämmer

dr Donald schafft mit Zollhämmer, grad eso!

 

D’Karin will kei Zollhammer, Zollhammer, Zollhammer

das seigi nummä dumms Gjammer, grad eso!

 

Drum rüäft si uss am Delifon, Delifon, Delifon

im Donald gfallt‘r nid dä Ton, jo däm Gloon!

 

Drufabe git‘s meh Zollhämmer, Zollhämmer, Zollhämmer

jo das isch ä rächte Schämmer, grad eso!

 

Do bringt dr Guy chli Gold vorbi, Gold vorbi, Gold vorbi

dás isch hüt’Diplómatii, grad eso!

 

Wenn all’döi investiere, -vestiere, - vestiere

denn wétt’r’s reduziere, grad eso!

 

Denn will’r au no Grönland, Grönland, Grönland

dä Typ isch usser Rand und Band, grad eso!

 

Am WEF spilt är dr grossi Ma, grossi Ma, grossi Ma

nur dénn chunnt ein us Kanada, grad eso!

 

Do hét är gar kei Gfalle dra, Gfalle dra, Gfalle dra

und hängt im drum Zollhämmer a, grad eso!

 

Das isch doch alls behämmeret, behämmeret, behämmeret

will‘s däm döt au niä dämmeret, eifach niä. 

 

Im Tal bricht drum dr Export ii, Export ii, Export ii

bi Uhre, Whii und dr Chemii, grad eso!

 

Drum fählt‘s do in dä Stüürkasse, Stüürkasse, Stüürkasse

und bald git’s würklich nüt meh z‘gschpasse, grad eso!

 

Au Oberdorf sett Hämmer ha, Hämmer ha, Hämmer ha

es paar millione Hämmer ha, grad eso!

 

Jo Hämmer findsch bim Heinimaa, Heinimaa, Heinimaa

leider númme diä zum Druufhaa, grad eso!

 

Aber dr FC sett ä Rase ha, Rase ha, Rase ha

won’är druffe spile cha, grad eso!

 

Do setti d’Gmein halt Zöll erhäbe, Zöll erhäbe, Zöll erhäbe

uf alle Whii us frömde Räbe, grad eso! 

 

Oder grad eso wie Birsfälde, Birsfälde, Birsfälde

do het dr Röschti nüt me z’mälde, grad eso!

 

Drum no zwee Värs vo KI, KI, KI 

do schloft mr grad mis Hirni ii, grad eso!

 

Am Stammtisch schimpft me lutt drüber, lutt drüber, lutt drüber
am Stammtisch schimpft me lutt drüber, mit Bier und Witz

 

Doch ändere duet sich gar nüt, gar nüt, gar nüt
doch ändere duet sich gar nüt, wie immer halt

 

Ojee das leumr liäber si, liäber si, liäber si

es holperet und riimt sich nid, grad eso!

 

Will alles gar kei Wärt me het, Wärt me het, Wärt me het

möche mir‘s mit Fasnacht wett, grad eso!

 

Ohni all das Gjammer, das Gjammer, das Gjammer

wird das jetz dr Hammer, grad eso!

 

Au d‘Barbi findet‘s supper toll, supper toll, supper toll

und d‘Bächer si scho nümmi voll, grad eso!

 

 

chum cho pfiffe, vorträble, trummlä

oder eifach drbii sii und mit eus bummlä

mir würde eus so richtig freuä

und du würdischs chuum bereuä

duä eus eifach kontaktierä

ohni z’lang no reflektierä

Sujet-Zeedel, Vortrabswägeli, Laterne, und und und... Als kleiner Verein sind wir froh um jede Spende. Wir danken allen Gönnern herzlich für Ihre Unterstützung. 

 

Hier die Adresse unseres digitalen Sparschweinchens:

BLKB,   IBAN: CH48 0076 9016 9100 9850